नेपाली मुक्तक
नेपाली साहित्यको डिजिटल चौतारी

नेपाली मुक्तक संसार

शब्दमा भावना, सिर्जनामा पहिचान — मन छुने मुक्तकहरूको संसारमा स्वागत छ।

आफ्नो मुक्तक लेख्नुहोस्
शब्द, भावना र सिर्जनाको संगम

चार हरफमा भावना,
शब्दमा सिंगो संसार।

प्रेम, जीवन, समाज, प्रकृति र अनुभूतिका सुन्दर नेपाली मुक्तक पढ्नुहोस्। मन परेको सिर्जना सुरक्षित गर्नुहोस्, साथीहरूसँग बाँड्नुहोस् र तपाईंका शब्दलाई पनि पाठकसम्म पुर्याउनुहोस्।

83
प्रकाशित मुक्तकहरू
15
साहित्यिक विधाहरू
साझा सिर्जना
मनदेखि मनसम्मको यात्रा
मन छुने मुक्तकहरू साहित्यलाई महसुस गर्नुहोस्
83 वटा मुक्तक भेटिए
हास्य

खाएपछि सरकारी जागिर फुर्ती लाउदाे रहिछ😀

पर्ने गरि अरूलाई पिर फुर्ती लाउदाे रहिछ 
छ भन्दै बलियो तक्दिर फुर्ती लाउदाे रहिछ ।
हिजाे अस्ति सँगै पढी हुर्किएकाे साथीले नि
खाएपछि सरकारी जागिर फुर्ती लाउदाे रहिछ ।।
प्रेम

यसपालि नि मंसिर यसै जाने भयाे

मन भरि पिरै पिर यसै जाने भयाे
भाग्यै खाेटाे हाे कि आखिर यसै जाने भयाे ।
तिमी पर्ख पर्ख भन्छाै, कति पर्खिनु
यसपालि नि मंसिर यसै जाने भयाे ।।
प्रेम

ओैकात नमिल्ने सँग प्रेम गरिएछ

नबुझेरै रङ्ग प्रेम गरिएछ
बिना कुनै दङ्ग प्रेम गरिएछ ।
जे गर म तेराे हुदैन पाे भन्छे
कस्तो ओैकात नमिल्ने सँग प्रेम गरिएछ ।।
प्रेम

❤️ माया गर्छु भन्छे ❤️

हल्का काली हल्ला गाेरी माया गर्छु भन्छे
अलि नक्कली छे माेरी माया गर्छु भन्छे ।
देख्दादेख्दै प्रेम भयाे पछि लाग्न छाेड्दैन रे
खाेइ कसकी हाे याे छाेरी माया गर्छु भन्छे ।।
समाज

शहर हुँदै गाउँटाेल कहिले पुर्‍याउछाैँ

शहर हुँदै गाउँटाेल कहिले पुर्‍याउछाैँ
वर्षाै भयाे विकासको खाेल कहिले पुर्‍याउछाैँ ।
तिम्रो पाटीकाे पर्चा भए रातारात पुग्थ्यो हाेला
सरकार! कर्णालीमा सिटामाेल कहिले पुर्‍याउछाैँ ।।
प्रेरणा

कि त वार हुन्छ, कि त पार हुन्छ

कि त वार हुन्छ, कि त पार हुन्छ
यति नबुझे त जिन्दगी नै वेकार हुन्छ ।
खाेई, पुग्छ कि पुग्दैन ऊ आफ्नो गन्तव्यमा
जसलाई सधै अगाडि पुग्न हतार हुन्छ ।।
हास्य

😀झ्पाप्प निन्द्रा लाग्छ😀

कस्तो हाेला छेक्दा छेक्दै झ्पाप्प निन्द्रा लाग्छ
दुई चार अक्षर लेख्दै झ्पाप्प निन्द्रा लाग्छ ।
साथीसँग गफगाफ गर्दा दिन वितेकै पत्तो हुन्न
कक्षाकाेठामा सर देख्दै झ्पाप्प निन्द्रा लाग्छ ।।
दर्शन

नआत्तिनुहाेस् आउनेछ मत बुझिहाल्नु हुन्छ

नआत्तिनुहाेस् आउनेछ मत बुझिहाल्नु हुन्छ
के कुरामा पर्या हाे खत बुझिहाल्नु हुन्छ ।
अहिलेलाई ठिकै छ, जे हुन्छ त्यहीँ मान्नुहाेस्
धैर्य गर्नुहाेस् सही, गलत बुझिहाल्नु हुन्छ ।।
जीवन

सुखै सुखमा रमाएर के फुर्ती लाउछाैँ

सुखै सुखमा रमाएर के फुर्ती लाउछाैँ
दुईचार पैसा कमाएर के फुर्ती लाउछाैँ ।
सक्छौ भने आफ्नै खुट्टामा उभिएर देखाऊ
अर्कैकाे हात समाएर के फुर्ती लाउछाैँ ।।
जीवन

उपहार साट्दै हिँड्नेको दिन कसरी चलेको होला?

उपहार साट्दै हिँड्नेको दिन कसरी चलेको होला ?
अर्कालाई ढाँट्दै हिँड्नेको दिन कसरी चलेको होला ??
दिनरात पसिना बगाउँदा पनि हातमुख जोर्न मुस्किल छ
यहाँ कुरा काट्दै हिँड्नेको जिन्दगी कसरी चलेको होला?

निभ्न दिन्नाै कसैकाे चुलाे लेखिएको रहिछ

निभ्न दिन्नाै कसैकाे चुलाे लेखिएको रहिछ
अविरल शिक्षाको कुलो लेखिएको रहिछ ।
विना शुल्क प्रवेशसम्म नदिइने स्कुलहरूमा
धन भन्दा विद्या ठुलो लेखिएको रहिछ।।