नेपाली मुक्तक
नेपाली साहित्यको डिजिटल चौतारी

नेपाली मुक्तक संसार

शब्दमा भावना, सिर्जनामा पहिचान — मन छुने मुक्तकहरूको संसारमा स्वागत छ।

आफ्नो मुक्तक लेख्नुहोस्
शब्द, भावना र सिर्जनाको संगम

चार हरफमा भावना,
शब्दमा सिंगो संसार।

प्रेम, जीवन, समाज, प्रकृति र अनुभूतिका सुन्दर नेपाली मुक्तक पढ्नुहोस्। मन परेको सिर्जना सुरक्षित गर्नुहोस्, साथीहरूसँग बाँड्नुहोस् र तपाईंका शब्दलाई पनि पाठकसम्म पुर्याउनुहोस्।

83
प्रकाशित मुक्तकहरू
15
साहित्यिक विधाहरू
साझा सिर्जना
मनदेखि मनसम्मको यात्रा
मन छुने मुक्तकहरू साहित्यलाई महसुस गर्नुहोस्
83 वटा मुक्तक भेटिए
भावना

तिमी जुन हाै म घाम कुरै मिलेन

तिमी जुन हाै म घाम कुरै मिलेन
तिमी हिरा म फलाम कुरै मिलेन ।
चाहेर पनि हामी एक हुनै नसकेपछि
भाे माया नलगाम कुरै मिलेन ।।
प्रेम

दुःखै दु:खकाे खानि बन्छ भनेकै थिए

दुःखै दु:खकाे खानि बन्छ भनेकै थिए
आँसु पनि एकदिन पानी बन्छ भनेकै थिए ।
त्यति बेला जे हुन्छ हेराैला भन्यौ तिमीले
साचो प्रेम त केवल कहानी बन्छ भनेकै थिए ।।
जीवन

रित्तो गाेजी भाेकाे पेट हिनेर देखाउनुहाेस्

रित्तो गाेजी भाेकाे पेट हिनेर देखाउनुहाेस्
काे आफ्नो काे पराइ चिनेर देखाउनुहाेस् ।
अझै पनि धन भन्दा विद्या ठुलो भन्दै बस्नु भा छ
अरे! त्यहीँ धन विना नै विद्या किनेर देखाउनुहाेस् ।।
प्रेरणा

महल बनाउनु छ एउटा घर बनाउनु छ

महल बनाउनु छ एउटा घर बनाउनु छ
सबै सपना पूरा हुने रहर बनाउनु छ ।
हिजो यति पनि नपत्याउने छिमेकीलाई
देखाउनु छ एउटा छुट्टै शहर बनाउनु छ ।।
भावना

सम्झेर उसको बालापन के बित्छ हाेला

सम्झेर उसको बालापन के बित्छ हाेला
साच्चै ! एउटा आमाकाे मन के बित्छ हाेला ।
घर चलाउन कै लागि परदेश उडेकाे छाेराकाे
उतै सकिदा अकालमै जीवन के बित्छ हाेला ।।
अन्य

नगरी चिन्ता नमानी हार काम चलाउनु है

नगरी चिन्ता नमानी हार काम चलाउनु है
थपिए पनि जिम्मेवार काम चलाउनु है ।
धेरै साेच्नु पर्दैन भाे हाम्रो पनि दिन आउला
केही बर्ष नगरी हतार काम चलाउनु है ।।
प्रेम

बरफकाे मूल्य रह्यो र के? पानी भएपछि

बरफकाे मूल्य रह्यो र के? पानी भएपछि
मन मुटु सबै जलेर खरानी भएपछि ।
भुल्न पनि साह्रै गाह्राे हुने रहेछ क्यारे
उसलाई नहेरी ननिदाउने बानी भएपछि ।।
भावना

म कसरी पट्याउ

माया गर्छु भन्छाै फेरि म कसरी पट्याउ
एक पटक नि नहेरी म कसरी पट्याउ ।
यसै पनि मेेैले जीवनमा घाम देख्न पाकाे छैन
बनाइ छाेड्छाै कि अधेरी  म कसरी पट्याउ ।।
प्रेम

लिन आउछु बैशाखमा कि के भन्छाै

निदाउनु छ तिम्रै काखमा कि के भन्छाै
राेजेकाे हु लाखाै लाखमा कि के भन्छाै ?
नयाँ बर्ष सँगसँगै नयाँ खुसी थप्ने भए
लिन आउछु बैशाखमा कि के भन्छाै ??
प्रेम

बेहुली बनी तिम्रो घर जान तयार छु म

साथ दिए जीवन भर जान तयार छु म
गाउँ हाेस् या शहर जान तयार छु म ।
तिमीले मलाई लाखौं लाखमा राेजेकै हाेै भने
बेहुली बनी तिम्रो घर जान तयार छु म ।।
भावना

दु:ख सुख जे भएनि आट्छु मात्रै भन

दु:ख सुख जे भएनि आट्छु मात्रै भन
मन मुटु तिमीसँगै साट्छु मात्रै भन ।
घर व्यवहार मिलाउने मेराे जिम्मा छाेड सानू
बस्, तिमी सँगै जीवन काट्छु मात्रै भन ।।
समसामयिक

के शहरमा के गाउँमा जागिर पाइदैन

के शहरमा के गाउँमा जागिर पाइदैन
नढाेक्दा सम्म कसैकाे पाउमा जागिर पाइदैन ।
आफ्नो याेग्यता र क्षमताकाे के फुर्ती लाउनु खै
भनसुन नगरी गतिलाे ठाउँमा जागिर पाइदैन ।।