नेपाली मुक्तक
नेपाली साहित्यको डिजिटल चौतारी

नेपाली मुक्तक संसार

शब्दमा भावना, सिर्जनामा पहिचान — मन छुने मुक्तकहरूको संसारमा स्वागत छ।

आफ्नो मुक्तक लेख्नुहोस्
शब्द, भावना र सिर्जनाको संगम

चार हरफमा भावना,
शब्दमा सिंगो संसार।

प्रेम, जीवन, समाज, प्रकृति र अनुभूतिका सुन्दर नेपाली मुक्तक पढ्नुहोस्। मन परेको सिर्जना सुरक्षित गर्नुहोस्, साथीहरूसँग बाँड्नुहोस् र तपाईंका शब्दलाई पनि पाठकसम्म पुर्याउनुहोस्।

83
प्रकाशित मुक्तकहरू
15
साहित्यिक विधाहरू
साझा सिर्जना
मनदेखि मनसम्मको यात्रा
मन छुने मुक्तकहरू साहित्यलाई महसुस गर्नुहोस्
83 वटा मुक्तक भेटिए
प्रेम

मेरो सास छुट्याे भन्दा खुसी हुनु तिमी

मेरो सास छुट्याे भन्दा खुसी हुनु तिमी
दिएकाे वचन टुट्यो भन्दा खुसी हुनु तिमी ।
मैले तिम्रै खुसीको लागि प्राण त्याग्न लागेकाे हु
मेराे लाश उठ्यो भन्दा खुसी हुनु तिमी ।।
प्रेम

तिम्रो नाम हुनेछ, मेराे थर हुनेछ

तिम्रो नाम हुनेछ, मेराे थर हुनेछ
आऊ,नजिक भए एक अर्काकाे भर हुनेछ ।
तिमी मेराे साथ नछाेड्नु म तिम्रो हात छाेड्दिन्
यति भए त खुसीको लामै लहर हुनेछ ।।
अन्य

पागल भई रूदै हिन्छु नसाेचेनि हुन्छ

पागल भई रूदै हिन्छु नसाेचेनि हुन्छ
यति सजिलै माफी दिन्छु नसाेचेनि हुन्छ ।
हिजो अलिकति दया सम्म देखाएनाै जाने बेला
आज तिमीले भन्दैमा फर्किन्छु नसाेचेनि हुन्छ ।।
दु:ख/पिडा

सबै खल्लो लाग्छ, विना नुनको तरकारी लाग्छ

त्यहीँ हाे, उहीँ वारि लाग्छ, उहीँ पारी लाग्छ
खाली ज्यान गर्हाै लाग्छ, मन भारी लाग्छ ।
हामी दुईको सम्बन्ध सकिएकै दिनबाट
सबै खल्लो लाग्छ विना नुनको तरकारी लाग्छ ।।
प्रेम

नभनि घाम, नभनि पानी आएकी हु

नभनि घाम, नभनि पानी आएकी हु
बा-आमाकाे वचनसम्म नमानी आएकी हु ।
आज मै माथि हात हाल्योै, खाेई के साेच्याै?
मैले त तिमीलाई सर्वस्व ठानी आएकी हु ।।
अन्य

गल्ती गर्याैँ तिमीले आफ्नै काल रच्याैँ

लाग्या हाेला तिमीले ठुलै जाल रच्याैँ
मान्न त माने मैले नि खत्रै चाल रच्याैँ ।
'लठ्ठी नभाचिने, सर्प नि नमर्ने' यहीँ साेच्याै हाेला
बिचरा! गल्ती गर्याैँ तिमीले आफ्नै काल रच्याैँ ।।
भावना

तिम्राे आखामा आशु हेरी म हास्न सक्छु र

तिम्राे आखामा आशु हेरी म हास्न सक्छु र
जान्छु भन्छाै तिमी एक्लै म बाच्न सक्छु र ।
शंका नगर भाे मेराे मायामा खाेट छदै छैन
तिमी बाहेक अन्तै नाता म गास्न सक्छु र ।।
प्रेम

मायालाई नि जाेख्ने नाप्ने कुरा नगर न

मायालाई नि जाेख्ने नाप्ने कुरा नगर न
भाे जहाँ पनि खति थाप्ने कुरा नगर न ।
मैले घर बनाउन नाता जाेड्ने कुरा गरेकाे हु
तिमी घरै भत्काएर आगाे ताप्ने कुरा नगर न ।।
प्रेम

अनिष्ट राहु काल कट्याे खुसी हुनु तिमी

अनिष्ट राहु काल कट्याे खुसी हुनु तिमी
बजारमा प्रेमकाे भाउ घट्यो खुसी हुनु तिमी ।
बर्षाै बर्ष देखि म तिम्रो बाेझ बनेकाे रहेछु
सम्झनु बाटाेकाे काँडा हट्याे खुसी हुनु तिमी ।।
दु:ख/पिडा

जसाेतसाे मनलाई खुसी पार्दै हासेकाे छु

जसाेतसाे मनलाई खुसी पार्दै हासेकाे छु
आखाकाे आशु ओठसम्म सार्दै हासेकाे छु ।
परिस्थितिले जिम्मेवारीकाे भारी बाेकाएपछि
आफैले आफ्नै सपना मार्दै हासेकाे छु ।।
दु:ख/पिडा

बरू मन छैन भन बाेल्नलाई बाहाना नबनाऊ

बरू मन छैन भन बाेल्नलाई बाहाना नबनाऊ
सत्य के हाे? खाेल्नलाई बाहाना नबनाऊ ।
भाे छाेड, एकै तिरले दुई निसाना हुनै सक्दैन
मेराे मन बिथोल्नलाई बाहाना नबनाऊ ।।
समसामयिक

उनिऊ पनि कही फुल्छ भन्ने मात्रै हाे

उनिऊ पनि कही फुल्छ भन्ने मात्रै हाे
फूल भए पाे भमरा डुल्छ भन्ने मात्रै हाे ।
तिम्रो लागि ज्यानै दिन्छु भन्नेहरूले पनि
हिरा पाए काेइला भुल्छ भन्ने मात्रै हाे ।।